केंब्रिज विद्यापीठात जागतिक स्तरावर मान्यताप्राप्त अभ्यासक्रम

केम्ब्रिजने यापूर्वी जाहीर केले होते की, मार्च २०२६ पासून चेकपॉईंट परीक्षांची सिरीज सुरू करण्यात येणार आहे, जी भारतीय शैक्षणिक वेळापत्रकाशी अधिक सुसंगत असेल आंतरराष्ट्रीय मानांकनाच्या निकषांशी जुळणारी असेल. या परीक्षा सिरीजमध्ये ८५००० च्या जवळपास प्रवेश नोंदवले गेले, ही भारतातील आतापर्यंतची मार्च सिरीज ठरली असून, मागील वर्षाच्या तुलनेत ११% वाढ दर्शवते.

Nagpur Media News 2025-06-04 Shaishnik

नागपूर: केम्ब्रिज युनिव्हर्सिटी प्रेस अ‍ॅण्ड असेसमेंट मधील आंतरराष्ट्रीय शिक्षण विभागाने आज भारतातील मार्च २०२५ परीक्षांच्या सिरीजचे निकाल जाहीर केले. या परीक्षांमध्ये देशभरातील ४२० शाळांमधील १७००० हून अधिक विद्यार्थ्यांनी सहभाग घेतला. भारतीय शैक्षणिक वर्षाशी सुसंगत असलेल्या भारतात परदेशात शैक्षणिक प्रगतीसाठी उपयुक्त असणाऱ्या मार्च सिरीज मध्ये पूर्वीपेक्षा जास्त विद्यार्थी परीक्षा देण्याचा पर्याय निवडत आहेत. केम्ब्रिजने यापूर्वी जाहीर केले होते की, मार्च २०२६ पासून चेकपॉईंट परीक्षांची सिरीज सुरू करण्यात येणार आहे, जी भारतीय शैक्षणिक वेळापत्रकाशी अधिक सुसंगत असेल आंतरराष्ट्रीय मानांकनाच्या निकषांशी जुळणारी असेल.या परीक्षा सिरीजमध्ये ८५००० च्या जवळपास प्रवेश नोंदवले गेले, ही भारतातील आतापर्यंतची मार्च सिरीज ठरली असून, मागील वर्षाच्या तुलनेत ११% वाढ दर्शवते. केम्ब्रिज आयजीसीएसइ मध्ये ६२००० हून अधिक प्रवेशांसह १२% वाढ झाली आहे, केम्ब्रिज इंटरनॅशनल ए एस आणि ए लेव्हल मध्ये २०००० हून अधिक प्रवेशांसह १०% वाढ नोंदवली गेली आहे. ही वाढ भारतातील विद्यार्थ्यांना मार्च सिरीजद्वारे मिळणाऱ्या लवचिकतेचा पर्यायांच्या वाढीव संधींचा प्रत्यय देते ज्यामुळे त्यांना राष्ट्रीय विद्यापीठांच्या प्रवेशासाठी वेळेत अर्ज करता येतो आंतरराष्ट्रीय संधींचा शोध घेण्यासाठी अधिक वेळ मिळतो. ही वाढ आंतरराष्ट्रीय शिक्षणासाठी जगभरात वाढणाऱ्या मागणीचेही प्रतीक आहे. विद्यार्थ्यांचे त्यांच्या उल्लेखनीय यशाबद्दल अभिनंदन करताना, केम्ब्रिजमधील आंतरराष्ट्रीय शिक्षण विभागाचे वरिष्ठ उपाध्यक्ष विनय शर्मा म्हणाले,मार्च परीक्षांचे निकाल प्राप्त करणाऱ्या भारतातील सर्व विद्यार्थ्यांचे आम्ही मनःपूर्वक अभिनंदन करतो. हे निकाल त्यांच्या मेहनतीचे आणि त्यांच्या शिक्षक, पालक शाळांची असलेल्या निष्ठेचे द्योतक आहेत. प्रवेशांमध्ये होत असलेली सातत्यपूर्ण वाढ हे दाखवते की केम्ब्रिज विद्यार्थ्यांना एक दर्जेदार, जागतिक स्तरावर मान्यताप्राप्त अभ्यासक्रम प्रदान करण्यात आग्रही आहे — जो त्यांना सतत बदलणाऱ्या जगात यशस्वी होण्यासाठी आवश्यक कौशल्ये देतो आणि भारतात तसेच आंतरराष्ट्रीय स्तरावर अग्रगण्य विद्यापीठांचे दरवाजे उघडतो. परीक्षा प्रवेशांच्या आकडेवारीतून भविष्यकाळासाठी आवश्यक कौशल्यांच्या विकासावर वाढता भर दिसून येतो आहे, ज्यात केम्ब्रिज आयजीसीएसइ ग्लोबल पर्स्पेक्टिव्ह्ज विषयाच्या प्रवेशांमध्ये 24% ने लक्षणीय वाढ नोंदवली गेली आहे. आजच्या जगासमोर असलेल्या महत्त्वाच्या प्रश्नांवर विद्यार्थ्यांना विचार करायला लावून, केम्ब्रिज ग्लोबल पर्स्पेक्टिव्ह्ज विषय महत्त्वपूर्ण विचार, संशोधन आणि सामूहिक समस्यांवर उपाय शोधण्याची कौशल्ये विकसित करतो, जी सतत बदलणाऱ्या जागतिक संदर्भात यशस्वी होण्यासाठी अत्यावश्यक आहेत. आंतरराष्ट्रीय अर्थव्यवस्थेच्या कार्यप्रणालीसमजून घेण्याबाबत विद्यार्थ्यांमध्ये वाढती उत्सुकता अस⁶ल्याचेही दिसून येते, कारण केम्ब्रिज इंटरनॅशनल ए एस आणि ए लेव्हलमध्ये इकॉनॉमिक्स आणि बिझनेस हे विषय अनुक्रमे ४था आणि ५वा क्रमांक पटकावत असून त्यांची लोकप्रियता कायम आहे.भारतभरात ८०० हून अधिक शाळांमध्ये केम्ब्रिजचा आंतरराष्ट्रीय अभ्यासक्रम शिकवला जातो, जो १६० देशांमधील १०००० पेक्षा जास्त शाळांमध्ये उपलब्ध आहे. भारतातील स्थानिक प्रवेशाच्या अंतिम तारखांशी सुसंगत राहण्यासाठी केम्ब्रिजने मार्च परीक्षा सिरीज सुरू केली, ज्यामुळे विद्यार्थ्यांना वेळेत निकाल मिळू शकतात. भारतीय विद्यार्थ्यांना मार्चव्यतिरिक्त जून नोव्हेंबर या सिरीजमध्येही केम्ब्रिजच्या परीक्षा देण्याचा पर्याय उपलब्ध आहे.