लंडन,
: जीएसएमएच्या संचालक मंडळाने गोपाल विट्टल यांची आगामी २०२७-२०२८ या मंडळाच्या कार्यकाळासाठी, डिसेंबर २०२८ पर्यंत, पुन्हा अध्यक्ष म्हणून निवड केली आहे. श्री. विट्टल १० वर्षांपासून जीएसएमए मंडळावर कार्यरत आहेत, ज्यात २०२५ पासून अध्यक्ष म्हणूनही ते काम पाहत आहेत. जीएसएमएचे अध्यक्ष या नात्याने श्री. विट्टल संस्थेच्या धोरणात्मक दिशेवर देखरेख करतात. ही संस्था जगभरातील मोबाइल सेवा कंपन्यांचे आणि व्यापक मोबाइल परिसंस्थेतील कंपन्यांचे प्रतिनिधित्व करते. जीएसएमए मंडळाने मार्गेरिटा डेला व्हॅले यांचीही सह-उपाध्यक्ष म्हणून निवड केली आहे. त्या राल्फ मुपिटा यांच्यासोबत असतील; मुपिटा यांची पुन्हा निवड झाली आहे.
जीएसएमए मंडळाचा अध्यक्ष म्हणून दुसऱ्यांदा पुन्हा निवड झाल्याबद्दल मला सन्मान वाटतो. एक उद्योग म्हणून आपण एका नव्या युगात प्रवेश करत आहोत, ज्यात प्रगत नेटवर्क, एआय आणि खुले डिजिटल प्लॅटफॉर्म मोठे आर्थिक सामाजिक मूल्य निर्माण करू शकतात. आमचे सर्वोच्च प्राधान्य सुरक्षा आहे. आजच्या वाढत्या धोक्यांमुळे देशांना सुरक्षित करणे, फसवणुकीच्या वाढत्या उपद्रवामुळे ग्राहकांना सुरक्षित करणे आणि उद्योगाला शाश्वत बनवून सुरक्षित करणे, जेणेकरून तो तंत्रज्ञानात पुढचा विचार करणारी गुंतवणूक करत राहील आणि जगाच्या सर्व भागांत सर्वोत्तम पायाभूत सुविधा उभारू शकेल. जीएसएमएची टीम आणि माझे सहकारी मंडळ सदस्य यांच्यासोबत हे महत्त्वाचे काम पुढे सुरू ठेवण्यास मी उत्सुक आहे. आमचे सह-उपाध्यक्ष राल्फ मुपिटा आणि मार्गेरिटा डेला व्हॅले यांच्यासोबत काम करण्यासाठीही मी उत्सुक आहे. हा अजेंडा पुढे नेताना त्यांचा अनुभव, भौगोलिक व्याप्ती आणि सखोल समज ही आमची मोठी ताकद ठरेल,असे गोपाल विट्टल म्हणाले.
श्री. विट्टल हे भारती एअरटेलचे कार्यकारी उपाध्यक्ष आहेत. ग्राहकसंख्येनुसार ही जगातील दुसरी सर्वात मोठी मोबाइल फोन सेवा कंपनी आहे. ते भारती एअरटेल आणि तिच्या उपकंपन्या कामकाज पाहतात डिजिटल व तंत्रज्ञान, नेटवर्क रणनीती, खरेदी आणि प्रतिभा या क्षेत्रांत समूहाची रणनीती समन्वयातून मिळणारे फायदे पुढे नेतात. ते एअरटेल आफ्रिका एअरटेल पेमेंट्स बँक यांचे अकार्यकारी अध्यक्ष बीटी ग्रुप मंडळाचे अकार्यकारी संचालक देखील आहेत. त्यांच्या नेतृत्वाखाली एअरटेलने मोबाइल, होम्स, बी२बी डिजिटल सेवा या क्षेत्रांत यशस्वी व्यवसायसमूह उभा केला आहे जगातील सर्वाधिक तीव्र स्पर्धा असलेल्या दूरसंचार बाजारांपैकी एकामध्ये आतापर्यंतचा सर्वाधिक महसूल बाजारहिस्सा मिळवला आहे