नागपूर::
या नवरात्रीत उपवास करत आहात? चला, प्रत्येक घास पौष्टिक बनवूया!
वोक्हार्ट हॉस्पिटल्सतर्फे श्रद्धा, पोषण आणि योग्य आहार यांचा समतोल राखून उपवास करण्यासाठी मार्गदर्शन
डाएटिशियन स्वाती अवस्थी, वोक्हार्ट हॉस्पिटल्स, नागपूर
नवरात्री हा भक्ती, उत्सव आत्मचिंतनाचा सण आहे. अनेकांसाठी या नऊ दिवसांत उपवास करणे हा सणाचा महत्त्वाचा भाग असतो. मात्र, उपवास म्हटले की डोळ्यांसमोर साबुदाणा खिचडी, तळलेले बटाटे, उपवासाचे नमकीन मिठाई असे पदार्थ येतात. हे पदार्थ पारंपरिक असले, तरी उपवासात रोज तेच पदार्थ खाणे किंवा दिवसभर तळलेल्या पदार्थांवर अवलंबून राहणे गरजेचे नाही.
या नवरात्रीत उपवासाकडे पाहण्याचा दृष्टिकोन बदलण्याची गरज आहे. उपवासात काय खाऊ शकतो, याचा विचार करण्याऐवजी स्वतःला एक महत्त्वाचा प्रश्न विचारू शकतो: परंपरा जपत शरीराला आवश्यक पोषण कसे देता येईल?
उपवास हा खाण्याच्या सवयींकडे अधिक लक्ष देण्याची, साधा आहार घेण्याची आणि विचारपूर्वक पदार्थ निवडण्याची चांगली संधी आहे. थोडे नियोजन केल्यास उपवासात वापरल्या जाणाऱ्या पारंपरिक पदार्थांपासून चविष्ट, पोटभर आणि पौष्टिक आहार तयार करता येतो.
पारंपरिक पदार्थ, पण आहाराची योग्य निवड
राजगिरा, कुट्टू (बकव्हीट), शिंगाड्याचे पीठ, दूध आणि दुग्धजन्य पदार्थ, सुका मेवा, बिया, फळे आणि उपवासात चालणाऱ्या भाज्या यांचा वापर करून अनेक प्रकारचे पौष्टिक पदार्थ तयार करता येतात. यासाठी हे पदार्थ योग्य प्रमाणात एकत्र करून योग्य पद्धतीने बनवणे महत्त्वाचे आहे