नागपूर,:
जेव्हा उपचार थांबवणे हाच योग्य निर्णय ठरतो संयम, योग्य निर्णय आणि उपचारांची एक कहाणी
घाई न करता, संयमाने रुग्णाच्या बरे होण्याचा प्रवास
आज वैद्यकीय क्षेत्रात झटपट स्कॅन, गुंतागुंतीच्या रक्ततपासण्या त्वरित निदान यांमुळे उपचार प्रक्रिया खूप वेगवान झाली आहे. मात्र अनेकदा हे विसरतो की उपचारांचा खरा पाया आजही रुग्णाशी संवाद साधणे, प्रकृती शांतपणे पाहणे समजून घेणे यावरच आहे. कधी कधी डॉक्टरांचा सर्वात महत्त्वाचा निर्णय पुढील उपचार सुरू करणे नसतो, तर कोणत्या गोष्टीत घाई करू नये हे ठरवणे असतो.
अशीच एक घटना नुकतीच वोक्हार्ट हॉस्पिटलमध्ये दाखल झालेल्या एका मध्यमवयीन महिलेच्या प्रकरणातून स्पष्टपणे समोर आली. ती अत्यंत नाजूक अवस्थेत हॉस्पिटलमध्ये दाखल झाली होती. गेल्या काही महिन्यांपासून तिला सतत ताप येत होता, वजन खूप कमी झाले होते, तीव्र अशक्तपणा जाणवत होता आणि हळूहळू तिची शुद्धही कमी होत होती. आधी केलेल्या तपासण्यांमध्ये रक्तातील घटकांमध्ये बिघाड दिसून आला होता. यकृत आणि मूत्रपिंडांवर ताण होता. तसेच रक्त लघवीत काही असामान्य प्रथिने आढळली होती. ही सर्व लक्षणे गंभीर आणि धोकादायक वाटणारी होती. त्यामुळे अनेकांना हा आजार कदाचित कर्करोगासारखा किंवा शरीरभर पसरलेला, बरा न होणारा आजार असू शकतो अशी भीती वाटत होती.
वोक्हार्ट हॉस्पिटलमध्ये दाखल होईपर्यंत तिची तब्येत आणखी बिघडली होती. ती अत्यंत गंभीर अवस्थेत होती. तिचा रक्तदाब खूप कमी झाला होता, ती गोंधळलेल्या अवस्थेत होती आणि जवळजवळ काहीही प्रतिसाद देत नव्हती. सुरुवातीच्या तपासण्यांमध्ये कर्करोग, गंभीर संसर्ग किंवा एखादा गंभीर ऑटोइम्यून आजार असण्याची शक्यता व्यक्त करण्यात आली होती. तिची प्रकृती सतत बदलत होती. कधी कधी काही तासांतच प्रकृतीत मोठा फरक दिसून येत होता. प्रयोगशाळेतील तपासणी अहवालही एकमेकांशी जुळत नव्हते, तर काही वेळा ते परस्परविरोधी वाटत होते. अशा कठीण परिस्थितीत डॉक्टरांनी घाईघाईने उपचार सुरू न करता, उपचारांचा वेग जाणीवपूर्वक कमी ठेवण्याचा प्रत्येक गोष्ट शांतपणे समजून घेण्याचा निर्णय घेतला