मुंबई:
एअरटेल बिझनेसने स्विफ्ट नेव्हिगेशनसोबत भागीदारी करून भारतातील पहिले नेक्स्ट-जेन स्पॅशियल प्रिसीजन सोल्यूशन लॉन्च केले आहे, जे सेंटीमीटर-लेव्हलपर्यंत अचूक लोकेशन प्रदान करेल. एअरटेल बिझनेसने अचूक-लोकेशन तंत्रज्ञानातील अग्रगण्य कंपनी स्विफ्ट नेव्हिगेशनसोबत धोरणात्मक भागीदारी केली आहे. या अंतर्गत भारताची पहिली एआय/एमएल-चालित, क्लाउड-आधारित लोकेशन सेवा – एअरटेल-स्कायलार्क प्रिसाईज पोझिशनिंग सर्विस सुरू केली जात आहे. ही सेवा पारंपरिक जीएनएसएस (ग्लोबल नेव्हिगेशन सॅटेलाइट सिस्टम)च्या तुलनेत अचूकता 100 पटपर्यंत वाढवेल.
एअरटेल बिझनेस स्विफ्ट नेव्हिगेशनची ही विशेष भागीदारी, एअरटेल-स्कायलार्क ला एअरटेलच्या संपूर्ण भारतभर पसरलेल्या मजबूत 4G/5G नेटवर्कसोबत जोडून सादर करेल. यामुळे एक विश्वसनीय सहज उपलब्ध सेंटीमीटर-स्तरावरील अचूक लोकेशन सेवा मिळेल, ज्याचा उपयोग मोठ्या प्रमाणावर आवश्यक लोकेशन-आधारित कामांसाठी केला जाऊ शकेल.
अनेक उद्योग या अचूक सेवेतून लाभ घेऊ शकतील, जसे की टोल वसुली, आपत्कालीन सेवा, डिजिटल नकाशे, बांधकाम कामे, वीज-पाणी यांसारख्या सुविधा, वाहन व्यवस्थापन स्वयंचलित गाड्या. ही सेवा भारतातील शहरं ग्रामीण भागात नवे बदल, अधिक कार्यक्षम कामकाज जलद गतीने सेवा पुरविण्यास मदत करेल.
शरत सिन्हा, डायरेक्टर सीईओ – एअरटेल बिझनेस, म्हणाले: देशात, जिथे गल्ल्यांचा आणि वाड्यांचा गुंता आहे, तिथे प्रत्येक सेंटीमीटर अचूक लोकेशन किंवा पत्ता ओळखण्यात खूप मोठा फरक पडतो, विशेषतः आपत्कालीन सेवांसाठी (फर्स्ट रिस्पॉन्डर्स) महत्त्वाचा ठरतो. स्विफ्ट नेव्हिगेशनसोबत भागीदारी करून अभिमान वाटतो की भारताची पहिली क्लाउड-आधारित, एआय/एमएल-चालित जीएनएसएस करेक्शन्स सर्विस सुरू करत आहोत, जी सेंटीमीटर-स्तरावरील अचूकता प्रदान करेल. ही क्रांतिकारी तंत्रज्ञान केवळ आपत्कालीन सेवांचा कायापालट करणार नाही, तर औद्योगिक वापरांसाठी नवे मानक निश्चित करेल स्वयंचलित गाड्या तसेच सॅटेलाइट-आधारित टोल वसुली यांसारख्या नवीन उपायांना देखील गती देईल